Udhëtimi me biçikleta në distanca të largëta duket se është bërë trend kohëve të fundit.

Një eksperiencë të tillë e përjetoi edhe një i ri shqiptar i cili me biçikletën e tij mori rrugë nga Gjermania në Kosovë, shkruan Albinfo.ch.

Ahmet Shalës nga komuna e Pejës iu deshën 28 ditë rrugë për të ardhur nga Gjermania në Kosovë.

Ai në komunën e Pejës u prit nga kryetari Gazmend Muhaxheri, i cili edhe e bëri publik këtë udhëtim.

“Ahmet Shala arriti dje në Kosovë dhe më nderoi tejmase me vizitën e tij të veçantë! Ka udhëtuar nga Gjermania për në Kosovë me biçikletë për 28 ditë rrugë, në total 1997 kilometra! Kaloi nëpër: Karlsruhe, Ulm, Augsburg, München, Linz, Wien, Graz, Zagreb, Split, Dubrovnik, Budvë, Podgorica, Vermosh dhe në fund arriti në Pejë, Kosovë. E përgëzoj duke e falënderuar për vizitën dhe i uroj shumë suksese në vazhdim!”, shkruan Muhaxheri.